22/F     keep住忙忙忙       熬多幾日就得啦       下更會更美好

但係忙得開心      


今天要多謝妙雲           既right hip 


早前3人行去唱K       唱到聲沙　　　


｜


 

影相影相　　影得好開心既佢地


好低Ｂ呀Angel     點埋D低B歌    =      =


不得不提        用我手機影自拍相      唔小心禁錯左制

影完睇番都嚇左一嚇       又會只得POLLY既大頭     勁大果隻


睇下  如殺手既眼神       好驚呀     (見一次笑一次)







食食食　　Ｄ野食好好味呀　　　


好耐冇試過３人行　　　　更加耐冇５人行

可惜夾更期係一件好難既事　　　假又少wor



期待星期四唱k     見番d中學同學   

babyyyy    真係太耐冇打xanga    

講下近況先     上更係6/F (產科)

望見D BB喊...     我真係呆左係到   揍B既經驗係 0...

點換片嫁   點抱佢地嫁   點餵佢地嫁     求下你地唔好喊   乖乖飲奶啦

N個難題出現      不過最後做做下       又覺得幾好

BB真係幾得意       (如果唔長期喊既話)

係產科受到尊重       會俾資深姑娘叫我做姑娘       好驚嚇     

以為佢叫第2個   我冇應佢     點知原來一直叫緊我  

做BB房    可以見到媽咪對BB既愛     

係媽媽房見到一對夫婦好恩愛        真係好深刻

媽媽因為早上FEEL到個胎冇胎動而入院    醫生建議剖腹取嬰

點知落到OT      醫生一開肚就有血噴射出黎     

我去接佢上病房     發現標本除左胎盆外     重有一大袋  Blood clot

OT姑娘都話做咁耐野   都未試過發生呢D情況

一問之下     原來BB已經飲左D血水     如果唔盡快開刀     後果好嚴重

果晚      先生坐係佢身邊     拖住佢隻手     靜靜地望住佢 

因為大房唔可以加床      我11點收工佢都未走 

第2日       太太應該要試下落床坐      我多次問佢      佢都話驚傷口痛而拒絕

有次經過佢間房     見到先生大字型咁企係到   而太太就係床邊環抱住佢

 "太太有咩幫到你呀!?  "

"我試下坐係床邊    有D頭暈    我先生驚我向前跌    唔該晒姑娘   咁樣得嫁啦 "

就係咁    半個鐘後   一個鐘後    兩個鐘後  

我係簾隙間偷望        見先生個POSE仍然係大字型咁企係到

我諗佢條腰應該幾痛

第2日到我做BB房     佢地好溫馨咁黎接BB餵奶    永遠都會2個人一齊出現接送BB

我送BB俾佢       WARD AIDE都問我係咪好羨慕人地  咁既眼神  haha

最後佢出院啦       估唔到佢認得我     帶住幸福既笑容同我講左句  :多謝姑娘  我出院啦

3口子既背影    我又再流露出羨慕既眼神     


今更係22/F         又再翻抄        不過我覺得姑娘好人左  

仍然係忙忙忙忙忙       又好似以前咁LA    流晒汗     好刺激       不過忙得黎開心既

同學都話     "好彩咁忙都做得晒      重食到飯添"

日日都好充實      AT我要快D考先得      



ANGEL 同  PHOEBE   加油       一定會PASS嫁!!  我十卜你地  hahahaha




post番以前既相先   

母校可譽開放日       















        







中二時期拎既獎     記憶猶新      估唔到重排係當眼既位置  ha

可以見番d呀sir miss   開心的一天

返左6日       終於有1日放假      

咁難得外婆黎左香港      請飲茶後   再拖手漫遊東涌     

不經不覺    係東涌住左6年la      其實東涌幾靚既  

你睇我扮3哥幾似       苗苗哥真係好鬼型呀    我鐘意     插袋都型過人!!!

有日同6萬去食大排檔    點知.........      最後都係去左MIX飲野傾計     下次試下飲酒haha


 

 大舅父無論咩樣都係咁嚴肅!!      

你睇下      我表哥個仔幾可愛    廣洲    等我考晒試    我一定黎!!!!!!

外婆飲茶時  又暗暗地叫我快d搵個男朋友仔俾佢見下

同時又話其他孫都大部份有       就快結婚啦

我聽到真係唔識俾反應       拖住佢先      好快好快有    下    

重叫我到時要俾相佢睇        好!!  如果你睇完唔鐘意    我就唔要   好冇呀~haha

我只係想你好似而家咁     一直身體健康     你行得慢唔緊要     我咪拖住你手慢慢行就番你   

我要你食得訓得行得      開開心心    做個肥嘟嘟既外婆     


我望見你一睇到我畢業相個樣       有幾開心咁收埋     

我一定會俾心機做野      放心!!



 PS    青比    我地就快1個月無見喇  BABY     >3<   MISS YOU!

一個月冇打日記        我累積左好多野未打....       死硬....

台灣之日記       請各位觀眾等一等       有大把靚相     製作需時...

要我回想打番台灣之旅        諗起都頭痛


前排衝入嶺南       目標係搵小虎...   

終於去到佢經常出沒既地方   搵呀搵...


發現目標人物         當我地係到瘋狂影佢相      我大叫左幾聲小虎     佢又唔采我  

突然感覺有d奇怪..           "乜小虎d毛既顏色咁花既"   


係我講完呢句呢個時候      我腳邊突然出現左一隻貓

識我耐既人     一定會知道我好易嚇親        我唔嚇得gaaaa

我大叫左一聲       不過冷靜下來咁睇下佢      又幾Q woo     d毛幾靚

之後驚覺佢就係真正既小虎       可能我叫佢名     佢就行左出黎

我地頭先重瘋狂咁影果隻肥花貓   =         =


知我地影佢相        佢就特登行上石"薄"     

矇眼王子出現laaa      好靚仔呀



不過瘦左D         要食多D野呀        下次會買手信再黎探你GA



食食食食食食食           最愛既綿綿冰     壽司!!!!!!

峰壽司都幾好味ga~      





小藍帽的家族      好型啊     好似條鯊魚   


1月21日    黎左個9人既Gathering        好齊人呀 

一團人去左東涌食泰國野      好味呢~

影左好多相     去相!!

同黑仔係冇夾過既情況下      著左"情侶裝"   haha

冇見你咁耐      你都係咁爛口    

中學朋友仔        我地要多d約出黎聚舊呀~ 


Edna  生日..     宿舍7個人齊人慶祝  

不過我手機得部份相咋     >    <





呢張Angel話影得佢極肥肥肥肥     must post.....





3芬看夜記         其實姑娘真係不錯        次次問宵夜幾$    佢地都話學生唔使俾

而且第1次有  IC  問我  "同學你好似好忙     要幫手出聲WO"

第1日好忙       Q15分鐘應鐘       次次都話急小便     但係次次得5ml    

係呢晚        我係忙住跑黎跑去             亦鍛鍊出我既耐性

成日有幻聽以為個鐘響     多得個小便呀婆    

繼16樓看夜狂禁鐘話急大便又冇大便既大便呀伯       又一力作     

第2晚          小便呀婆A更插foley         以為會得閒d啦

點知俾人叫左上20樓幫手    幫左1個多小時      同文姐一齊換片 turning

好顛囉     未試過換片換到出汗       真正既地獄     辛苦文姐......

第3晚平安           第4晚同周姑娘傾計       傾左好多野      覺得佢真係好好好好人

好鐘意佢  >3<        同埋重點        佢真係好搞笑   

第5晚      亦係3芬最後一次值夜       當然要影相留念  

2點半食食下糖水    驚見Edna物體停留     原來佢去拎血順便探望下我

哈哈     我relax咁傾計  捧住糖水     同佢拎血箱形成大對比  haha

電話都要拍下來留念         YEAH!

其實我幾鐘意呢個地方     有辛酸史   有開心野    有俾人鬧    有俾人讚

有一年班既回憶       又有二年班值夜既回憶    

第6晚     搬左上23樓新ward     係呢個地方第1次值夜  

一開波就要為一位長期住客做死後護理       有d驚訝

因為佢岩岩先新年出院     家人都好傷心....

呢晚亦係我生日          機緣巧合下      係過12點之前完成

達入12點後         開緊 R/T 既我    電話震呀震

多謝你地呀BABYYYYYYYY們       真有心    





另外亦要多謝Edna      請了我一餐美味的生日壽司餐    thzzzzz

除了美食        重點是我地傾左好多       對對方了解多左

令我地友誼昇華左          度過左好開心既一晚   


第7晚     最後LAA        平安度過了呢個新年值夜週 

冇豆醫生利是     但有3芬姑娘俾既利是     同樣開心


你睇我對眼幾紅      個樣幾殘





 

我地既新年看夜宿舍團   終於完成任務  平安度過了  yoyo


重點是       我已經變回長直黑髮laaaaaaa   感覺回到中6時代



你睇下我未剪之前係咁長         髮型師都話我好長...  好似女鬼

so我決定剪短少少     不過都係長髮黎ga      (冇勇氣剪短髮)

byebye   下次必定有台灣之記     一定要追看!!